SHBA, vdes vrasësi serial Samuel Little që pranoi vrasjen e 93 grave

Tetëdhjetë vjeçari Samuel, të cilin policia federale (FBI) e përshkroi si “vrasësin më të madh serial në historinë e SHBA-ve”, ka vdekur në një spital në Kaliforni
Samuel Little, vrasësi serial i cili pranoi 93 vrasje në SHBA ka vdekur në moshën 80-vjeçare, transmeton Anadolu Agency (AA).
Samuel, të cilin policia federale (FBI) e përshkroi si “vrasësin më të madh serial në historinë e SHBA-ve”, ka vdekur në një spital në Kaliforni.
Little, i cili u dënua me burgim të përjetshëm për vrasjen e tre grave derisa ishte në burg, pranoi se vrau 93 gra midis viteve 1970 dhe 2005.
Autoritetet theksuan se Little i bëri vrasjet të dukeshin si aksidente ndërsa disa kufoma ende nuk janë gjetur.
Ai u arrestua në vitin 2012 për narkotikë ndërsa pas kësaj u dërgua në Kaliforni.
Është kërkuar për krime duke filluar nga grabitja e armatosur deri tek përdhunimi, ndërsa Little është i lidhur me tre vrasje të kryera në Los Angeles në vitin 1987 dhe 1989, falë testeve të ADN-së.