Kisha greke nuk i bindet shtetit

​Kërkon festime nga besimtarët në ditën e pagëzimit të Krishtit
Kisha Ortodokse Greke ka bërë të ditur se do të sfidojë izolimin kombëtar të vendosur nga qeveria deri për festën e Epifanisë, që është në 6 Janar. Greqia shtrëngoi masat ndaj koronavirusit duke ndaluar hapjen e kishave dhe zhvillimin e kësaj feste. Në një letër drejtuar qeverisë, Kisha Ortodokse Greke ka kërkuar asaj që të respektojë marrëveshjen që lejon shërbimet e Epifanisë.
“Sinodi i Shenjtë nuk pajtohet me masat qeveritare në lidhje me mbylljen e kishave dhe këmbëngul në atë që ishte rënë dakord fillimisht me shtetin që kishat të qëndrojnë të hapura për pjesëmarrjen e kufizuar të besimtarëve në meshën e Epifanisë “, thuhet në letër.
Letra shënon një shfaqje të rrallë të mospajtimit nga autoriteti i Kishës, i cili deri më tani ka respektuar kryesisht kufizimet e qeverisë që frenojnë shërbimet fetare së bashku me aktivitetet e tjera publike gjatë pandemisë.
Në Kishën Ortodokse Lindore, Epifania është një nga festat më të rëndësishme fetare dhe përkujton pagëzimin e Krishtit dhe zbulimin e Trinisë së Shenjtë.
Si dhe shërbesat e kishës, ajo zhvillohet tradicionalisht nga festime popullore, përfshirë edhe hedhjen e kryqit në ujë nga një prift. Një zyrtar qeveritar ka deklaruar se ligjet e bllokimit zbatohen për të gjithë në mënyrë të barabartë. 
Ndërsa Greqia ka qenë më e suksesshme se shumë vende evropiane në frenimin e përhapjes së koronavirusit, shërbimet e saj shëndetësore janë  dobësuar për shkak edhe të krizës financiare. Aktualisht ky vend numëron 140,526 infeksione dhe 5,011 vdekje që kur rasti i parë i koronavirusit u zbulua në Shkurt të 2020.