Ka nisur marrja në pyetje e Përparim Ademit, autori i vrasjes së dyfishtë të ndodhur mëngjesin e kësaj të enjte në zonën e Astirit. Sipas burimeve policore ai që në fillim të rrëfimit ka deklaruar se  ngjarja ka ndodhur për motive xhelozie. Gjithashtu ai ka deklaruar përpara oficerëve të policisë, se do të vetë-dorëzohej në polici.
“Vrasjen e kam bërë për motive xhelozie, dyshoja se Zhaneta më tradhtonte, u nisa për tu vetë-dorëzuar në polici”, ka thënë ai.
Ndër të tjera mësohet se në vendin e ngjarjes kanë qenë fëmijët e  Zhaneta Metanit, 15 dhe 16 vjeç.
Krimi i dyfishtë ka ndodhur në banesë, ku Ademi ka vrarë me armën tip automatik bashkëjetuesen dhe motrën e saj. Viktimat e kësaj ngjarje janë Kristina Bardhi dhe Zhaneta Metani, rreth 40 vjeç.

​Policia e Tiranës vë në pranga autorin e krimit të dyfishtë.
Si rezultat i rrethimit të zonës, pikave të kontrollit dhe trysnisë së ushtruar nga shërbimet e Policisë u bë e mundur vënia në pranga e autorit Përparim Ademi.
Ky shtetas aktualisht ndodhet në ambientet e Drejtorisë Vendore të Policisë Tiranë, për veprime të mëtejshme hetimore.

Plagosje me arme zjarri në qytetin  Vlorës! Ngjarja ka ndodhur në lagjen ‘Partizani’, ku dyshohet për 1 të plagosur. 
Një person ka plagosur me armë zjarri burrin e motrës. Arma ka qenë e babait të autorit (punonjës paraburgimit të Vlorës).Autori dhe babai tij janë shoqëruar në komisariat,  ndërsa i plagosuri 25-vjeçari në spitalin rajonal të Vlorës.